Ахборот-кутубхона фойдаланувчилари бўйича кўрсаткичлар муҳим аҳамият касб этади. Албатта, бу борада рақамлар ошиб бориши кўп омилларга боғлиқ. Мақолада соҳа вакилининг тажрибаларга таянган ҳолда олиб борган изланишлари акс этган. Муаллиф фикри билан айтганда, кутубхона мутахассисини моддий рағбатлантирмасдан ҳам фаолиятида юқори натижаларга эришиш мумкин, бироқ қачонки унинг меҳнати қадр топиб,ўзи эътироф этилса. Ҳа, шунчаки раҳбарият, маъмурият томонидан мақтовга сазовор бўлиб турилса, шунинг ўзи кифоя. Муаллиф сўровнома таҳлилларини келтирар экан, халқаро статистик маълумотларни ҳам таққослаб ўтади. Ҳар қандай ишга муносабатни ижобий томонга ўзгартиришда, авваламбор, номоддий мотивация йўлларини инновацион услублар асосида топиш ва жорий этиш мақсадга мувофиқлиги таъкидланади.