O‘rta Osiyo hududi uzoq o‘tmish zamonlardan o‘zining tabiiy-geografik imkoniyatlarining qulayligi tufayli o’z hududi doirasida qator dehqonchilik vohalarini tashkil topishiga zamin yaratdi. Ana shunday vohalardan biri Zarafshon vohasidir. Zarafshon vohasi aholisining mehnat faoliyati asosida vujudga kelgan dehqonchilik madaniyati o’z zaminida asta-sekin ilk madaniy qatlamlar va shaharlar paydo bo’lishiga olib keldi. Bu kabi ma’lumotlarni o’tmishda yaratib qoldirilgan bir qancha manbalar orqali o’rganishimiz mumkin. Mana shu manbalarda alohida qayd etilgan dehqonchilik va hunarmandchilik xo’jaligi rivoji asosida paydo bo’lgan qadimgi madaniyat markazlaridan biri So’g’diyona yurtidir.