Бугун Ўзбекистон илғор ғоя ва ташаббуслари билан халқаро майдонда алоҳида эътироф этилмоқда. “Фаол тадбиркорлик, инновацион ғоялар ва технологияларни қўллаб-қувватлаш йили”дан сўнг унинг мантиқий давоми сифатида бу йил “Фаол инвестициялар ва ижтимоий ривожланиш йили” деб номланиши бежиз эмас. Давлат дастури ва унинг ижросини таъминлашда амалга оширилаётган ишлар салмоғи минг йилларга татигулик. Жаҳон тажрибаси шуни кўрсатадики, қайси давлат фаол инвестиция сиёсатини юритган бўлса, ўз иқтисодиётининг барқарор ўсишига эришган. Шу сабабли, инвестиция – иқтисодиёт драйвери дейилади.