Islom dini axloq – odob qoidalari va gender tenglik tamoyili uyg‘unligi
Аннотация
Bugungi kunda ilm olish, turli yo‘nalishlarda tadqiqotlar amalga oshirish va olingan bilimlarni hayotga joriy etishga bo‘lgan e’tibor yanada ortdi. Buyuk ajdodlarimizdan biri, odil podshoh, astronom Mirzo Ulug‘bek Buxorodagi madrasa peshtoqiga “Ilm olish har bir mo‘min va muslima uchun farzdir” deyilgan hadisni bejiz qayd etmaganlar. Bundan ko‘rinib turibdiki, Islom dini hukm surgan davlatlarda nafaqat o‘g‘il bolalarning ilm olishiga, balki qizlarning ta’lim – tarbiyasiga ham alohida e’tibor berilgan. Bugungi kunda ham davlatimiz tomonidan gender tenglik prinsipini hayotda qo‘llash, amalga oshirish uchun yetarli shart – sharoitlar yaratilgan, qonun va qonun osti hujjatlar qabul qilinmoqda, islohotlar amalga oshirilmoqda. Lekin, afsuski, xalqimiz ulardan keng foydalanmayapti yoki yaqinlari tomonidan yo‘l qo‘yilmayapti. Huquqiy ongimiz, ma’navyatimizdagi bo‘shliqlar gender tenglik muammosida yaqqol ko‘rinib qolmoqda. Gender tenglik milliy va diniy qadriyatlarimizga qarama – qarshi tushuncha sifatida qo‘yilmoqda. Lekin aslida Islom gender tenglikka qarshimi yoki uni qo‘llab – quvvatlaydimi?