Исломий қадриятлар нафақат кишилардаги маънавий – ахлоқий тарбия, балки аждодларимиз маданий меросини чуқур ўрганишда муҳим ўринни эгаллайди. Шу жиҳатдан қараганда Исломий қадриятлар кенг қамровли фалсафий тушунчадир. Бу қадриятлар таркибига энг аввало мусулмонлар тарихида чуқур из қолдирган барча буюк алломаларимизнинг ўлмас асарларини киритиш мумкин. “Дин ўз мазмун моҳияти билан азалджан жамият тараққиётига, кишиларнинг тафаккурига ва маънавиятига, шу жамиятга хизмат қиладиган маънавий комил инсонларни тарбиялашдек шарафли ишга хизмат қилиб келган”[1: 4].