Ибн Сино тафсир, ақоид мавзуларида ҳам асарлар ёзган. Мазкур асарлар аллома даврида кўпчиликни қизиқтирган масалалар, унга берилган саволларга жавоблар тариқасида ёзилган рисолалардир.Чунончи бундай асар қўлёзмаларининг бир қисми ЎзР ФА ШИ қўлёзма фондида сақланади. Улардан масалан: “Рисолат меърожия” (Меърожга оид рисола)16, “Рисола фи анна ло маҳофата лилмавт” (Ўлимнинг хавфи йўқлиги ҳақидаги рисола)17, “Асрор ас-салот” (Намоз сирлари)18, “Тафсир суврат қул ҳуваллоҳу аҳад”19. Шунингдек,мутафаккир “ал-Фалақ” ва “ан- Нос” сураларига ҳам тафсирлар ёзган. Ибн Синонинг Ихлос сураси тафсирига ёзилган “хошиялар” ҳам салмоқлидир.Улар асосан бештадир.