Мустақиллигимизнинг илк кунлариданоқ ёшларни мустақил ва янгича фикрлайдиган, замонавий илм-фан ютуқларини пухта эгаллаган, ватанимизнинг эртанги куни, тақдирини ўз қўлига олишга қодир интеллектуал салоҳиятли қилиб тарбиялаш энг муҳим вазифа қилиб қўйилган эди. Бугунга келиб бу борада олиб борилган саъй-ҳаракатлар ўз мевасини берди. Дунё ёшлари билан беллаша оладиган, ҳеч кимдан кам бўлмаган ёшларимизнинг турли жабҳаларда эришаётган ютуқлари тақсинга сазовордир.